رسائل شعرية قصيرة

مجموعة من القصائد ان شاء الله تعجبكم

كتلة احبك انا .. وسمعته كلمة غزل
من كلبي ملبس الك ..اغزل نبضتي غزل
بس دار وجهة ومشى .وما همة كلبي الغزل
ثاريه ابيض يحب يكره شخص اسمر
مو صوجي كتله الشمس من الجلد اسمر
ما عوفة بيه طبع يشبه طبع اسمر
من جان فاقد غزل
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
يسئلوني شسمها وكلت وجدان
اذا مرت تصيح الناس وج دان
المحاسن من تتم تصير وجدان
جميله وبالحسن الله وسمها
وحرز بالبيت صورتها واسمها
اسم كلمن ياذيها واسمها
لحتى روحي اذا اذت وجدان
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
ياابو عيون المها يامحلى خط حاجبك
سمعا وطاعا ونعم تأمر وانا حاجبك
بس لاتكلي بيوم مالي بعد حاجة بك
اياك الة الهجر خوفي يصيبك خطى
يااحسن اليرمون مامرة سهمك خطى
شي يضرك بكل سنة جدمك علي لو خطى
صايم عليك النبي منهو العلي حاجبك
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
لاتمدح الناس من دون التجارب ولك
والتجربة برهان تثبتلي آنه ولك
حبك طلع بيه دغش بين علي باولك
موش انته اول محب ينسه المحب والولف
ظليت انه حيران بالدنيا ادورن والف
مثلك شفت بالغدرواحد وميه والف
ليش نكرت عشرتي ؟؟ عن عشرتي شحولك ؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
عودت كلبي على الهجران...مرنته
مرة آني أطفي الجمر بالماي...مرةانته
مرينة الك ياحلو سويهة...مر انتة
دنيانة صارت ترة ماضي ومضارع ...وأمر
ورغم المصاعب علي بس آنة أسأل...وامر
الناس ماهي سوة بينهم طيب...ومر
وطيبين كل اخوتك إشعجب ... انته مر
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
يالي رايح للوطن جيبلي حفنة ترابي
عيوني شافت هالدمار من بعد ظلت ترابي
وللي سهرت عالرجال والعمر كله تربي
هم نعود احنه لوطننه لونظل نحلم حلم
والله ملتنه البلاد ومابقى عدنه حلـــم
خلي ذاك يروح فدوه وانه للباقي حلـم
ونحضن تراب العراق حتى لو كل شي تره بي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
السمر زادن عذابي وضيم في همنه
واصبحنه جنه بعيون السمر فهمنه
اذكر سمعنه اغنيه بلسان فوه امنه
ياحلوه مري بزعل لدياري مره انتي
تطفح غديري اذا تملين مره انتي
شلون حلوه وكمر وتكول مره انتي
خربطت يمنه الغزل بس عود فهمنه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
ماظن بعدنه بقلبك يمكن شلنا
وحملنه اهموم الك ياما هموم الك شلنا
فراكك ترا هد الروح فراكك ترا شلنا
من يوم انته هجرت وانته بالقلب ساكن
ويبجي الكلب من هجرك ماحركت ساكن
لاتسألني عن ديرتي وين انا ساكن
عكبك سكناالحزن ومن دنيا الفرح شلنا
lol! lol! lol! lol! lol!